မလေးရှားနိုင်ငံသားတစ်ဦးအား ပြစ်ဒဏ်လွတ်ငြိမ်းခွင့်ပြုခြင်း

၂၀၁၉ ခုနှစ်၊ ဧပြီလ ၄ ရက်နေ့တွင် မြန်မာနိုင်ငံသို့ လေကြောင်းခရီးဖြင့် ရောက်ရှိလာသော မလေးရှားနိုင်ငံသား Fariz Azman Bin Zainul Azman (Passport No.A 36662046) သည် မူးယစ်ဆေးဝါးမှုဖြင့် ဖမ်းဆီးခံရပြီး ယင်းပြစ်မှုဖြင့် အင်းစိန်အကျဉ်းထောင်၌ ပြစ်ဒဏ်ကျခံလျက်ရှိရာ နိုင်ငံအချင်းချင်း မိတ်ဝတ်မပျက်ဆက်ဆံရေးကို ရှေးရှု၍လည်းကောင်း၊ လူသားချင်းစာနာ ထောက်ထားမှုကို အလေးထားသောအားဖြင့် လည်းကောင်း ၎င်းအားကျခံရန် ကျန်ရှိသည့် ပြစ်ဒဏ်များကို လွတ်ငြိမ်းခွင့်ပြုပြီး ၂၀၂၂ ခုနှစ်၊ မတ်လ ၂ ရက်နေ့တွင် အကျဉ်းထောင်မှ လွှတ်ပေးခဲ့ကြောင်း သတင်းရရှိပါသည်။